Жалпы ата-аналар жиалысы хаттамасы №1

Хаттама№1

19.10.2022 ж «С.Сейфуллин атындағы жалпы орта

білім беретін мектебі» КММ-де

жалпы ата-аналар жиалысы өтті.

Қатысқаны: 45 ата-ана

Күн тәртібінде :

1. Жалпы мектептік ата-аналар комитетін сайлау ДТІЖО:Н.Н.Турусбекова

2. Құндылықтарға бағытталған тәрбие

3. Мектеп миссиясы Мектеп директоры:М.А.Шарипова

Барысы:

Жинлыс коучинг форматында өтті. Ата-аналар молекулалар мен атомдар ойыны арқылы 4 топқа бөлінді.

1.Бірінші мәселе бойынша директордың тәрбие ісі жөніндегі орынбасары Н.Н.Турусбекова 2022-2023 оқу жылына жалпы мектептік ата-аналар комитетін сайлау туралы айтып өтті. Ата-аналар бір ауыздан бұрыннан бері ата-ана комиетінің төрайымы Н.Ө. Барлықпаеваны сайлап көмекшілері ретінде Қ.Б.Есемұратова және М.З. Жақанбаеваны сайлады.

2. Екінші мәселе бойынша директордың тәрбие ісі жөніндегі орынбасары Н.Н.Турусбекова «Құндылықтараға бағытталған тәрбие» тақырыбында слайд арқылы Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығы « Мектепке дейінгі тәрбие мен оқытудың, бастауыш, негізгі орта, жалпы орта, техникалық және кәсіптік, орта білімнен кейінгі білім берудің мемлекеттік жалпыға міндетті стандарттарын бекіту туралы» заңнамасында берілген құндылықтар және міндетемелері туралы қысқаша баяндама жасап, ата-аналарға топтық жұмыс жасауға ұсынды.

1-топ Ұлттық құндылықтар

2-топ Жалпы адамзаттық құндылықтар

3-топ Өмір бойы білім алу

4-топ Отбасы құндылықтары

Төрт топта жақсы жұмыс жасап, өз ойларымен бөлісіп постер қорғап шықты.

Ата-аналарды сергіту барысында «Кофе брейк» ұйымдастырылды.

Мектеп директоры М.А. Шарипова: Құндылықтарға бағытталған тәрбие туралы мағлұматтар айтып, бейне ролик көрсету арқылы «Hard skils», «Soft skils», «SPOD», «VUKA», «BANI» терминдеріне түсіндірме жүргізді.

3. Үшінші мәселе бойынша мектеп директоры М.А. Шарипова мектеп миссиясы туралы ата-аналараға түсіндірме жасап мектеп миссиясын ұсынды. Мектеп миссиясы: «Мектептегі білім мен тәрбие – білім алушылардың бойына құндылықтарды сіңіре отырып, жаһандық құзіреттіліктерді дамытуға бағытталған»

Ата-аналар бір ауыздан мектеп миссиясын дұрыс деп қабылдады.

Сонымен қатар психологиялық тренингтар мектеп директоры М.А. Шарипова мен ДТІЖО Н.Н.Турусбекова өткізді.

Соңында барлық ата-аналардан кері байланыс алынды.

Жарыс сөз:

1.Ата-аналар комитеті Н.Ө.Барлықпаева: Жиналыс қызықты болды,бәрімізге ұнады. Топта жұмыста ортаға ойларымызды айтып, білгенімізді бір-бірімізге айтып, білмегенімізді бір-бірімізден үйрендік. Жиналыстан көп мағлұмат алғанын айтып құндылықтарды бала тәрбиесінде қолданатыны туралы айтып өтті. Сіздерге рахмет ұйымдастырғандарыңызға

2. Ата-ана Тусипханова С.: Құрметті ұстаздар, ата-аналар, мектеп басшысы Маниса Аблкасисовна, Назгуль Ныгметжановна коучинг-жиналыс өте жоғары деңгейде өтті. Мен толқып тұрмын, ерекше әсер алдым.Өте көп білім алдым. Өмір, заман талабы, өзім қатты ойландым, балаларымды ойладым, өмір бойы білім алу керек деп жатырсыздар, өзім оқимын деп шештім, өзім даму арқылы балаларымды да дамытқым келеді. Сіздерге көп-көп рахмет.

3. Ата-ана комитеті Қ.Б.Есемұратова: Бүгінгі жиналыс осы отырған әр қайсымызға жеке ой, тереңдетіліп, біліп жатсақта күнделікті өмірде қолданбайтынымыз түсініп, ойға шомып, біліп отырсақта балаларымызға пайдаланбай жүргенімізге көзіміз жетті. Жиналыс жоғарғы деңгейде өтті. Сіздерге рахмет. Бүгінгі алған, түсінген топпен жұмысты күнделікті өмірде қолдануға сіздерге үлесімізді қосуға дайынбыз, тырысамыз.

Қаулы:

2022-2023 оқу жылына жалпы мектептік ата-аналар комиетінің төрайымы Барлықпаева Нұржәміш Өтегенқызы, көмекшілері Есемұратова Құралай мен Жақанбаева Мақпал Зейноллаевна сайлансын.
Құндылыққа бағытталған тәрбие бағыттары ата-аналар бала тәрбиесінде басшылыққа алсын. Отбасындағы ата-анамен бала арасындағы қарым-қатынасты нығайту ата-анаға жүктелсін.
Мектеп миссиясы мақұлдансын.

Жиналыс төрайымы: Н.Н.Турусбекова

Жиналыс хатшысы:

А.О. Нұрсүлеймен