2019-2020 оқу жылында атқарылған тәрбие жұмысының талдауы

Тәрбие жұмысының талдауы

Мектепшілік тәрбие жұмысының әдістемелік тақырыбы:

Ұлттық рухы биік, адамгершілігі жоғары, салауатты өмір салтын ұстанатын, елінің өткенін құрметтеп, ертеңіне өз үлесін қосуды парызым деп білетін жан-жақты білімді,  бәсекекге қабілетті, жаңашыл ұрпақ қалыптастыру

Тәрбие жұмысының мақсаты:

Рухани-адамгершілік  қасиеттері   бар,  елінің  болашағы   үшін патриоттық жауапкершілік сезімі бар, құқықтық  және   сыбайлас  жемқорлыққа  қарсы тұру даярлығы бар, салауатты  тұлға қалыптастыру.

2019-2020 оқу жылына тәрбие жұмысының жүйесі келесі нормативтік –құқықтық құжаттармен реттеледі:

1. Қазақстан Республикасы Білім және ғылым министірінің 2019 жылғы 15сәуірдегі №145 бұйрығымен бекітілген «Рухани жаңғыру» бағдарламасын іске асыру жағдайындағы Тәрбиенің тұжырымдамалық негіздері.
2. Қазақстан Республикасы Білім және ғылым министірінің 2019 жылғы 15сәуірдегі №145 бұйрығымен бекітілген, 2019-2024 «Рухани жаңғыру» бағдарламасын жүзеге асыру аясында Тәрбиенің тұжырымдамалық негіздерін әске асырудың іс-шаралар жоспары.
 3. Қазақстан Республикасы Білім және ғылым министірінің 2018 жылғы 1 қазанындағы №525 бұйрығымен бекітілген Қазақстан Республикасында өлкетануды дамытудың Тұжырымдамалық негіздері.     

1. Қазақстандық патриоттизм және азаматтық, құқықтық тәрбие 
2. Рухани-адамгершілік тәрбие, еңбек, экономикалық және экологиялық тәрбие
3.  Отбасы тәрбиесі
4. Ұлттық тәрбиесі
5. Еңбек, экономикалық  және  экологиялық   тәрбие
6. Зияткерлік тәрбие,ақпараттық мәдениет тәрбиесі.
7. Көпмәдениетті және көркем –эстетикалық  тәрбие. 
8. Дене тәрбиесі,салауатты өмір салты тәрбие бағыттары бойынша жұмыстар жүргізілді. 

Тәрбие үдерісі - бұл тұлғаның тәрбиелік деңгейі, ол оқушының қоршаған әлеуметтік ортамен және жалпы қоғаммен әрекеттестікке дайындығымен сипатталады. Осы дайындықты анықтау және айқындау үшін диагностика-оқушының даму үдерісі мен нәтижелеріне талдау жүргіземіз. Ұрпағымызды парасатты да білікті, мәдениетті де білімді етіп тәрбиелеу мақсатында сынып жетекшілер оқушының тәрбиелік деңгейін бақылайды.  Мектепте 1-11 сынып аралығында 11 сынып комплектісі бар, 1-4-сыныптарда 4 сынып, 5-11-сыныптарда 7сынып, 1-11-сыныптарда    барлығы 147 оқушы, даярлық сыныбы13 оқушы оқиды. Тәрбие жұмысын тиімділікпен ұйымдастыру мақсатында мектепте сынып жетекшілерінің әдістемелік бірлестігі жұмыс істейді. Сынып жетекшілердің барлығы  жоғары білімді, бірлестік бекітілген жоспар бойынша жұмыстар атқарды.

       Мектебімізде әлеуметтік аз қамтылған әлеуметтік көмек тағайындалған 16 оқушы,  отбасыларынан шыққан 12 оқушы,  көп балалы 51 оқушы. Оның ішінде 37оқушы ыстық тамақпен қамтамасыз етілген. 

«Мектепке жол»акциясы бойынша әлеуметтік  жағдайы төмен отбасыларынан шыққан 18 оқушыға және 1сыныпқа қабылданған  16 оқушыға жалпы 34 оқушыға  ТОО «Каз Минералс» компаниясы демеушілік көрсетіп, оқу құралдарыын, рюкзак әперді.

Мемлекет тарапынан аз қамтылған, көп балалы отбасынан шыққан 48 оқушыға тегін мектеп формасымен қамтамасыз етілді. 

Қазақстандық патриоттизм және азаматтық, құқықтық тәрбие беру  барысында   оқушыларға ҚР мемлекеттік   рәміздерін бағалап,   ҚР Конституцияны құрметтеуге баулу жұмыстары атқарылды. Ана тіліне  деген құрмет пен сүйіспеншілікті нығайту, өз құқықтарын мен міндеттерін біле келе жауапкершілікті сезіну, өз Отанының патриоты болуға тәрбие беру  міндеттелді. Оқушылар  мен мұғалім, ата-аналар арасында мектепте  құқықтық  жалпы білім беру жұмысы  жүргізілді.

 2019-2020 оқу жылы «Саналы ұрпақ –жарқын болашақ» салтанатты жиынымен басталды. 1қыркүйек күні 1-11 сыныптар арасында адалдық, тәрбие сағаттары өтті.

Рухани жаңғыру аясында «Менің Отаным-Қазақстан»
 «Тарихтың, мәдениет пен тілдің біртұтастығы» дөңгелек үстелөтті.

Азаматтық патриоттық тәрбие бойынша 25-29 қараша аралығында «Елбасымен жарқын болашаққа!» тақырыбындағы апталық ұйымдастырылып, көрме, валейбол жарысы,спорттық сайыстар мен тәрбие сағаттары, кеш ұйымдастырылды.

9-13-желтоқсан аралығында  Қазақстан Республикасының  Тәуелсіздік күніне арналған  " Елімнің бақытын тербеткен –Тәуелсіздік " тақырыбы аясында өткізілетін іс-шаралар жоспары жасалынып, бекітілді. Бекітілген жоспар бойынша іс-шаралар өткізілді.

АӘД  пәнінің мұғалімі Жетибаев Жұман Асқарұлының, тәлімгер Шакаримова Гүлнар Жақиянованың  жетекшілік етуімен «Ауған соғысына 31 жыл» мерекесіне «Ауған соғысы жүректегі жара» атты   Ауған соғысының ардагері А.Ж.Камзинмен кездесу кеші өтті.

   Ұлы Жеңістің 75- жылдығына байланысты қашықтықтан «Мен батырдың ұрпағымын» бейнебаян байқауы, «Жеңіс мәңгі есімізде» біріңғай тәрбие сағаттары өтті.                                                                                                                                                                                                                                                                                                                                                                                                                                                                                                                                                                                                                                                                                                                                                    

Құқықтық тәрбиеберу барысында04.09.2019 жылы   2-4 сыныптары арсында «Абайлаңыз - балалар!» атты сурет сайысы ұйымдастырыды. Жақсы мазмұнды салынған суреттерді көрмеге қойылды. Оқушылар бар ынталарымен, қызығушылықтарымен сурет салды.Сонымен қатар 2сыныпта сынып жетекшісі Орынғожинова Р.Б   «Абайлаңыз –балалар!»,  3сыныпта сынып жетекшісі Алекенова Г.Ж «Жол белгілеріне саяхат», 4 сыныпта «Жол ережесін білесің бе?» атты сынып сағаттарын жоғары деңгейде өткізді.

2020-2021 жылға арналған Сыбайлас жемқор­лыққа қарсы күрес істері бойынша «Адал ұрпақ» клу­бының мектепішілік жұмыс жоспары жасалынды. . «Адал ұрпақ»  клубы еріктілерінің, сонымен қатар,  мектеп дәлізінде  «Парасатты азамат» бұрыштары ұйымдастырылып, оқу­шылар арасында «Өз құқығымызды білеміз бе?» тақырыбында түсіндіру жұмыстары жүргізілуі жоспарланды. Осы бағыттар бойынша клуб мүшелері оқушыларды «Сыбайлас жемқор­лыққа қарсы іс-қимыл туралы» ҚР Заңымен таныстырып, түсіндірме жұмыстарын жүргізеді.      6-қараша күні 5-8 сыныптар арасында «Жемкорлық ғасыр дерті», «Адал сатылмайтын еңбек» сурет байқауы, 9-11 сыныптар арасында «Адалдық -ардың ісі»тақырыптарында дөңгелек үстелдер, сынып сағаттары 5-11 сыныптың 83 оқушысы қатысуымен өтті. 

 Қаңтар айында «Заң және заман», «Тәртіп және біз», «Жемқорлықпен қалай күресеміз» тақырыбында сынып сағаттары өтті.

Құқық бұзушылықтың алдын алу мақсатында «Құқық бұзушылықтың алдын алу - басты міндет» тақырыбында   КТІЖ полиция аға лейтенанты  Бюлегенов Ринат Жақсылықұлымен кездесу өтті. Кездесуде полиция қызметкері оқушылармен сұхбат жүргізіп, оқушылар сауалдарына жауап берді.

       Кездесуде тәрбие ісі жөніндегі орынбасары Турусбекова Н.Н «Құқықбұзушылықтың алдын алу - басты міндет»  тақырыбында слайд көрсетіп баяндама жасады.Жасөспірімдер арасындағы қылмыстық істердің алдын алу мақсатында: «Мектептегі әлімжеттілік» тақырыбына 5-11 сынып оқушыларынан сауалнама алынып, қорытындысы   бойынша  мектепте жоғарғы сынып оқушылары арасында күш көрсететін, бопсалауға бейім оқушылардың жоқ екендігі анықталды. 

    Ұлдар жұмысы бойынша Ж.А.Жетибаев ұлдар жиналысын өткізіп, жалпы мектеп тәртібі, ұл бала тәртібі туралы  баяндама оқыды. 

    Мектеп психологы Жылкышинова Л.Қ  «Құқық бұзушылық және  заңды жауапкершілік», «Мектеп арасындағы құқықбұзушылық» тақырыбында қысқа мерзімді видио көрсетілім көрсетті. Мектеп тәлімгері Шакаримова Г.Ж оқушыларға оққыс жағдайлар кез- келген уақытта орын алуы мүмкін, оның алдын алу үшін абайлап жүру керек екендігі жөнінде түсіндірмелер мен ескертпелер айтып өтті.

     «Зорлық- зомбылықсыз балалық шақ»  атты онкүндік өткізілді.  5-8 сыныптарда «Өмірдің қауіпті  өткелдері   және  оны жолдары»      «10 желтоқсан Дүниежүзілік адам құқығын қорғау күні»  атты   сынып   сағаттары өткізілді. 9-11 сыныптарда «Зорлықсыз  әлемді бірге   құрайық!»  сынып сағаттары өткізілді.

12 желтоқсандағы Аягөз аудандық білім бөлімінің №02-36/2301 хатын басшылыққа ала отырып,  кәмілетке толмаған балалардың қауіпсіздігін қамтамасыз ету мақсатында  мектеп психологы Жылкышинова Л.К., тәрбие ісінің меңгерушісі Турусбекова Н.Н.                ата-аналарға түсіндіру  жұмыстары бойнша  шұғыл жиналыс өткізді  және     «What sApp» мобильді мессенджерінде ашылған «СЕНІМ»  ата-аналар тобына алдын алу ескертпе, жаднама таратылды.

Мектеп психолгы Л.К.Жылқышинова тренингтар өткізді. Бастауыш сыныптар арасында сурет байқауы өтті. «Құқығыңды білесің бе?» сауалнама алынды

Жыныстық тиіспеушілік, ерте жүктіліктің алдын-алу мақсатында қыздар жұмысы бойынша М.Д.Сайтбаева  8-11 сынып қыздары арасында 2019 жылдың 27 қарашасында мектепте оқитын кәмелетке толмаған жасөспірімдер арасында жүктіліктің алдын алу және отбасын жоспарлау туралы репродуктивті сауаттылықты жоғарылату жөнінде санитарлы-ағарту жұмысын жүргізу мақсатында «Арыңды сақта бойжеткен» атты Қопа ауылдық амулаториясының  акушерка медбикесі  Қалқаманова Майра Демеубековнамен және мектеп медикесі Карибаева Манар Кумаровнамен   кездесу болып өтті.

       Рухани-адамгершілікке тәрбиелеу бойынша негізгі міндеті адамгершілік мінез-құлық әдеттерін, қарым-қатынас мәдениетін қалыптастыру болып табылады. Ата-аналар балаларды рухани және материалдық ынталандыру жүйесін әзірлеу мен жұмыс істеуіне қатысты, жағдайға қарай оқушыларды жетістіктері үшін марапаттауға қатысады, оқушыларды  білім алу ынтасын арттыру  мақсатында   ықпал етуші әңгімелесулер мен іс-шараларға тартылды.

       Мектепте «1 қазан Қарттар күніне» байланысты іс-шаралар жоспары жасалынып, жоспар бойынша жұмыстар жүргізілді.27 қыркүйек күні «Көп жасаған қария, ақылы теңіз дария»  суреттер байқауы бастауыш сыныптары арасында өтті. Оқушылар сурет байқауына қызығушылықпен қатысып сурет салды. «Менің атам мен әжемнің бір күні» слайд шоу арқылы   30 қыркүйек күні оқушылар өз аталары мен әжелерінің  еңбектерін, ақыл кеңестерін дәріптеді.30 қыркүйек күні 1-11 сыныптарда   «Қарттарым – асыл қазынам», «Қарттарым – асыл қазынам» сынып сағаты сынып сағаттары өтті.1-қазан қарттар күніне «Қарттарым -асыл қазынам тақырыбында ауыл қарттары мен   зейнеттегі  ұстаздарды  мектепке шақырып мерекелік концерт  ұйымдастырылды.

«ЖасҰлан»  ұйымы    оқушылары өзін -өзі басқару күнін өткізді. Мереке екі кезеңнен тұрды. Бірінші кезеңде 10-11 сынып оқушылары 1-9 сыныптарға сабақ берді. Екінші кезең мерекелік концерт ұйымдастырды. 7қазан күні оқушылардан сауалнама алынды. Өзін –өзі басқару күні туралы мұғалім болған оқушылар мен оқушылардан сауалнама алдым. Сауалнамада оқушылар мұғалім мамандығы қиын да қызықты мамандық екенін айтты.

оқушыларының ұйымдастыруымен  “Ұстаз болу – жүректің батырлығы» атты мерекелік концерт өткізілді. 

       Оқушыларды қайырымдылыққа, адамгершіллікке , жақсы үлгі өнегеге, үлкенді сыйлау, кішіге қамқор  болу қасиеттеріне , мейірімділікке,   тәрбиелеу   мақсатында 1-4 сыныптарда «Адамгершілік дегенді қалай түсінесің?», 5-8 сыныптарда «Рухани бай адам ол қандай болмақ?»«Ұрпақтар сабақтастығы- дәстүр жалғастығы», «Әке-асқар тау, ана-мөлдір бұлақ, бала-жағасындағы құрақ»,«Адамгершілік асыл қасиет», « Адамның жақсы өмір сүруіне негіз бола алатын адами қасиеттер»атты   тәрбие сағаттары өткізілді.  

Діни экстримизмге қарсы күрес жұмыстары барсысында сынып жетекшілер «Дін және біз», «Дініңді сақта», «Экстримизм мен терроризм», «Жат ағымдарға жол жоқ», «Сенім бостандығы және діни бірлестіктер» тақырыбында тәрбие сағаттарын өткізді.  «Жеке тұлғаның дамуына дін ағымдарының ықпалы» дөңгелел үстел дінтану пәнінің мұғалімі Д.А. Асқар 9-11 сыныптар арасында өткізді.

Суицидтің алдын  – алу шаралары:

Бұл тақырыпта мектепте әр түрлі іс-шаралар атқарылды. Атап айтсақ, жүргізілген тренингтік жұмыстардың ролі зор болды. Психолог Л.К.Жылқышинова «Мандал»әдістемесі, «Үй, ағаш, адам» әдістемесі арқылы оқушылардың психологиялық жағдайлары анықталып, жағымды көңіл-күй орнатылды.8-11 сыныптардан Г.Айзенк «Психикалық күйдегі өзін-өзі бағалау»тесті алынды.Мақсаты: Жасөспірімдердің үрейлік,ызалық,сіреспелік деңгейін анықтауға мүмкіндік берді. 5-6 сынып оқушыларынан «Мен өмірді бағалаймын»атты тақырыпта шағын шығармалар алынды. «Сіз суицидке бейімсізбе?»графикалық тесті алынды.  Әр түрлі сауалнама арқылы оқушы бойындағы агрессияны анықтадық.  Оқушыларға сауалнама нәтижесі айтылып,әр агрессия туралы түсініктеме берілді.Оқушыларға өз нәтижелері бойынша кеңестер берілді.9-11 сынып аралығында «Сіз тез ренжисізбе?»сауалнамасы алынды.Мақсаты сыныптағы агрессия түрін анықтау.Оқушылардың жинаған ұпайлары бойынша өз жауаптары айтылды. Жекелеген оқушыларға кеңестер берілді. Көп жағдайда отбасылық шиеленістердің кесірінен оқушыда көңіл-күйдің өзгеруі болды сол себептердің алдын алу мақсатында «Өмір сен ғажапсың», «Басқа адамның көңіл күйі», «Адамның асыл қасиеттері» Сонымен қатар еліміздегі төтенше жағдай бойынша карантиндік кезеңде қашықтықтан оқытуға байланысты  «What sApp» желісінде ашылған ата-аналар «СЕНІМ»тобына  оқушылармен 1-4 сыныптарда,5-10сыныптарда, 11 сыныптарда топтарына  суицидтің алдын алу, зорлық –зомбылықтың алдын алу бойынша видиороликтер салынып тұрды. 

Отбасы тәрбиесініңміндеті  балалардың өз туыстарының кемшіліктеріне шыдамдылық көрсетуін қалыптастыру,  өзін отбасының тең құқылы бір мүшесі ретінде сезінуіне, ересек адам ретінде отбасында пікір айта алуына дағдыландыру.

Мектептің,  ата –аналардың  және   жергілікті  қоғамдастықтың, қамқоршылық кеңестің  бірлескен  қызметін жоспарлап, ата – аналар мен жергілікті қоғамдастықты  оқу сапасын, баланың қауіпсіздігін  қадағалау  мақсатында және Рухани жаңғыру бағытында  Жалпы мектептік ата –аналар жиналысы қыркүйек айының 12 –сі күні өтті.

а/ Қазақстан Республикасының президенті Қ.К.Тоқаевтың  халыққа жолдауы

ә/ Жаңа оқу жылындағы жаңа міндеттер    

б/  Әр түрлі мәселелер:

«Отбасы және мектеп – балалардың құқығын қорғауды қамтамасыз ететін тең 

құқылы серіктестік» тақырыптар мен мәселелер қаралып талқыланды.

 Ата –аналар  мектепішілік іс-шараларды өткізуге, ата-аналар жиналыстарына қатысып, балалардың оқудағы жетістіктері ата-аналар жиналыстарында талданды   және талқыланды. Мектептің   ата-аналар комитеті құрылып, ол іс-шаралар жоспарын құрастырғанда ұсынымдар береді, оқушылардың салауатты өмір салты туралы түсініктерін  қалыптастыруға қатысады; әкімшілікпен, оқушылармен, жергілікті қоғамдастықпен байланыс реттелді;  оқушылардың бос уақытын ұйымдастыруға қатысты, мерзім сайын ата-аналар мен   ұжымды демеушілік көмек туралы   есептіліктен   хабардар етіп  отырды.

«Рухани Жаңғыру» бағдарламасын жүзеге асыру шеңберінде 25 қазан күні «Отбасы –тәрбие басы, мектеп- тәрбие жыршысы»   тақырыбында өткен біріңғай тәрбие сағаттары өтті.Сабақтың мақсаты: отбасы тәрбиесі мәселелерінің өзектілігі, оқушылардың отбасындағы алатын білімін ауқымдату, әр адамның отбасындағы тұлға екендігін анықтау, баланың тұлға ретінде қалыптасуына отбасының рөлінің маңыздылығы, оның патриоттық көз-қарасы. Сынып сағаттары 1-11 сыныптың 143 оқушысы қатысуымен өтті.

     Мектептің инстаграм парақшасына Отбасы БАҚЫТТЫҢ үйі тақырыбында видио роликтер мен «Әкемнің бір күні» видиороликтері жарияланды.

Пандемия кезеңінде ата-аналар мен қстаздар қауымы ауыз біршілікпен жұмыстар атқарды. Мектебіміздің ата-аналары барынша төзімділік танытты. «#БізБіргеміз #Біз Үйдеміз»акцияларына балаларымен бірге ат салысты оқушылардың «Ата-анамен бір күнім» бейне баяндары жарияланды. 

   Ұлттық тәрбие.  Қазақстан Республикасының22-қыркүйек Тіл мерекесіне орай «Ана  тілім – ар  намысым, қазынам» атты   онкүндіктің іс-шара жоспары құрылып, мектеп директорымен бекітілді. Қазақ тілі, орыс тілі және шет тілі пән мұғалімдері ашық сабақтар беріп, сабақтан тыс іс-шараларын    өткізді

Ұлы Абайдың 175-жылдыіына байланысты «Абай даналығы» жобасы жасалынып, мектепте Абай залы, «Абай деп соққан жүректер» 5-11сыныптар арасындаәдеби кеш, «Абай әлемі» бастауыш сыныптар арсында әдеби кештер ұйымдастырылды. Абайдың қара сөздерімен өлеңдерінен челендж ұйымдастырылып мектеп парақшасына жарияланды. Бұл челендж байқауында 2 сынып және 5 сынып оқушылары ерекше ат салысты.   

 1 наурыз Оқушылардың  эстетикалық талғамы мен  мәдениетін  қалыптастыру мақсатында  өзін – өзі   тану  пәні  мұғалімдері   «Алғыс айту» күні  мерекесіне  орай  ашық  сабақтарын   өткізді.   5-8 сыныптарда «Халық даналығы – рухани байлық көзі»,   9-11 сыныптарда Ұлттық идеология   дамуының  маңызды  бағыттары болып саналатын өнер құралдары арқылы  эстетикалық сана – сезім,  көркемдік ойлау қабілетін  дамыту мақсатында  «Ұлттық   қолөнер  туындылары – баға  жетпес құндылықтарымыз»  тақырыбында сынып сағаттары өтілді. 

Көпмәдениетті және көрме-эстетикалық  тәрбие  бағыттары   жаңа мазмұнда енгізілген бағыттар. Әлеуметтік –мәнді және жеке қасиеттерін қалыптастыру бағыты бойынша адам - ең жоғарғы құндылық екенін оқушыға түсіндіру болып келеді. Ең ұлы жеңіс өзінді-өзің жеңу,  өзіне - өзі ие бола білген адам ғана барша жұрттан күшті. Әрбір адамның қоғамдағы алатын өзіндік мәртебесі, өз орны бар екеніне сендіру.  Осыған орай бұл бағыттар бойынша жоспарға сай бірнеше жұмыстар қамтылды.  

      Қазан айында «Арайлы күз, Алтын күз» байқауы мектебімізде д»стүр бойынша ерекше өтті.  Жеміс жидектер мен көкөністерден экибана, гербари «Күз кереметі» көрме ұйымдастырлды. «Күзгі балл» 5-11 сыныптар арасында және  «Күз мереке, күз береке» 1-4 бастауыш сыныптар арасында кеш, МАД және шағын орталықта ертеңгіліктер өткізілді.

«Жарқыра, Қазақстан! Жарқыра, туған жер! » атты аудан әкімінің шыршасына көп балалы озат оқушылар Мұрат Динара мен Маулетханова Ақмарал қатысып қайтты.

Жасыл шырша мерекесі жоспары құрылып, іс-шаралар жүргізілді.1-11сынып құттықтау газеттер шығаылды. Жаңа жылдық шыршаны өткізу 11сыныпқа жүкелді.

Жаңа жылдық әсемдеу жұмыстары 1этаж, баспалдақтар 5,6,7,8 сыныптар 

2 этаж бастауыш сыныптар,мерекелік залды 9,10,11сыныптар безендірді.

Қыс қызықтары «Қар қалашығын жасау», «Мұз айдынын жасау», «Сырғанақ жасау» жұмыстары жүргізілді. 25-27 желтоқсан  күні Шағын орталық «Қош келдің 2020жыл» ертеңгілігі, 5-6жасар топтары «Құтты болсын жаңа жыл!»ертеңгілігін, 1-5сыныптар арасында «Ұрланған жаңа жыл»ереңгілігі өтсе,6-11 сыныптар арасында «Жаңа жылдық корнавал»көгілдір от кеші өтті. ТОО «Каз Минералс» компаниясы көп балалы отбасынан шыққан 34 оқушыға тәттілер салынған аяз ата дорбасын сыйға тартты.

 Мектеп оқушылары ақпан айында «1-наурыз – Алғыс айту күні» іс-шаралар

«Қазақстан – мейірімділік мекені» республикалық балалар бастамасының өткізу жоспары «Жүрек жылуы» ән байқауы«Татулықтың тұтқасы –бірліктің бесігі» би байқауы бойынша аудандық «Ризашылық мейірімділік бұлағы» мерекелік іс-шараға қатысып жүлделі орындармен оралды.

8 наурыз мерекесіне орай ЖасҰлан ұйымының ұйымдастыруымен«Анаға құрмет» сайысы 5-11 сыныптар арасында өтті. Сонымен бірге наурыз айы бойы оқушылар мен ұстаздар қауымы ұлттық киім киіп, шашбаулы қыздар байқауы өтті. 

«1 мамыр Қазақстан халықтарының мерекесі күні»  қашықтықтан сабақ өткізілді. Оқушылар челендж ұйымдастырып, мектеп парақшасына жарияланды.

25 мамыр күні « Мектеп- білім ордасы », «Көңілді жазғы демалыс» атты соңғы қоңыру –онлайн сынып сағаты  болады.

       4 маусым күні 9-11 сыныптардың аттестат алу жиыны өтеді,  Мектеппен 11сыныпоқушылары 11 оқушы қоштасады. 

 Еңбек, экономикалық және экологиялық тәрбие берудін міндеті табиғат тағдыры үшін тұлғаның жауапкершілік сезімін қалыптастыру, жанашырлық сезімін ояту,адам мен қоршаған ортаның біртұтастығын сана сезімдеріне дағдыландыру. Мектеп    ұстаздары   мен   оқушылар   мектеп  ауласында,   мектепке    бөлінген аймақта  сенбілік  өткізіп   ақтау,  тазарту   жұмыстары    жасалып тұрды.

3 қазанында  Қазақстанның барлық білім беру ұйымдарында "Экосағат" атты ауқымды акция бастау алды. Бұл шараға 6000-нан астам мектеп, 2 миллионнан астам оқушы қатысады. Бұл акция  Қазақстанның экология, геология және табиғи ресурстары министрі Мағзұм Мырзағалиев ұсынысымен өткізілуде. Бұл күн кездейсоқ таңдалып отырған жоқ, 3 қазан күні - Дүниежүзілік мекендеу орындарын қорғау күні атап өтіледі. Барлық білім беру ұйымдарында "Қоршаған ортаны қорғау" (экосағат) атты проблемалық-танымдық сынып сағаты өткізіледі. Экологиялық тәрбие сағатын өткізу Қазақстанда дәстүрге айналып, өскелең ұрпаққа экологиялық тәрбие беруге үлес қосатын болады.

Біздің мектептеде «Экосағат» бойынша тәрбие сағаттары өтті. 

Көгалдандыру бойынша жоспар жасалынып,бекітіліп, сәуір-мамыр айларында мектебіміздебірнеше жұмыстар   атқарылды,  мектептің алдына питунья, сальвия,майорка   және  көпжылдық   гүлдер отырғызылды.   .

Еңбек, экономика   және экологиялық тәрбие бағытындаміндеті нарықтық экономиканың негізгі заңдары жайлы білімдерін қалыптастыру, жасөспірімдердің өзіне-өзі қызмет  көрсету шеберлігін және дағдыларын игере отырып көзделген мақсатқа жетуді, шыдамдылықты қалыптастыру болып табылады. 

Зияткерлік тәрбие, ақпараттық мәдениет тәрбиесі « Жасұлан, Жасқыран» ұйымдары әрбір тұлғаның зияткерлік мүмкіндігін,көшбасшылық қасиеттерін және дарындылығын, сондай-ақ ақпараттық мәдениетін дамытуды қамтамасыз ететін уәждемелік кеңестік қалыптастыру  мақсатында «Өзін-өзі басқару» күнін өткізіп, мектеп президентін  етіп  9   сынып оқушысы Мұрат Дина сайланды. Оқушылардың өзін –өзі тану қабілетін зерттеу мақсатында мектеп психологтары үнемі жұмыстар жүргізді.  1-4 сыныптар арасында   әрбір   баланы  жетілдіру  үшін   оның  бойындағы  бар   құндылықтарды  дамыту  мақсатында   «Өзімді тану-өзгені тану» атты тақырыпта тәрбие сағаты,  «Жеке қабілет   және  әлеуметтік  мүмкіндіктің ашылуы» тақырыбында 5-8 сыныптарды сынып сағаттары өткізілді. 9-11 сыныптар арасында « Ақпараттық мәдениет  негіздері»  тақырыбында тәрбие сағаттары  өтті.  

      5-9 сынып оқушылары  «Сүйікті менің ісім»  тақырыбында  шығарма   байқауы,  «Мамандықтың бәрі жақсы...» 9-сыныпта әңгіме сағаты, «Кәсіп түбі нәсіп» 11-сыныпта пікірлесу сағаты, «Менің ата-анамның мамандығы» тақырыбында бастауыш сыныптармен танымдық сағаты өтті.  «Кім болам?»  тақырыбы   аясында 9 – 11  сынып оқушыларына   институт, колледж   мамандарымен кездесу  сағаттары    ұйымдастырылып,  оқушылар  түрлі   сұрақтар  қойып  жауаптарын    алды.   Нәтижесінде оқушылар қазіргі заман талабындағы кәсіби мамандықтар туралы білімдерін кеңейтті, жаңа мамандықтар туралы танысты. «Мамандықтар әлемінде» аудандық сайысқа қатысып оқушылармыз алғысхатпен оралды. Ата-анамның бір күні жобасы қолға алынып оқушылар өз ата-аналарының, әжелері мен аталарының бір күнін фото видиоға түсірді.

Оқушылардың жас ерекшеліктеріне сәйкес зияткерлік, мәдени-көпшілік және спорттық іс-шаралар жүйесі болды. Балалардың сыныптан тыс жұмысқа қатысуын ынталандыру жүйесі бар. Сыныптан тыс іс-шараларды ұйымдастыру және өткізу мұғалімнің көмегімен жүзеге асырылады және оқушы тұлғасын дамытуға бағытталған.

Дене  тәрбиесі   және  салауатты өмір салтын қалыптастыру тәрбиесінде  алға    қойылған   міндеті  оқушы бойында теріс  әсерлерге қарсы   тура   алу  қабілетін  қалыптастыру,   дене  еңбегі,  психикалық,   әлеуметтік  және   рухани    аулық   туралы  түсініктерін    қалыптастыру  болып  табылады.   Осы   міндетті   орындау    барысы   бойынша   жоспарда    көзделген  төмендегідей   іс-шаралар   өткізілді:   «Денсаулық фестивалі - 2019»,  «Дені сау ұрпақ-елдің болашағы», спорттық ойындар,  «Туберкулез қасымызда-сақтан» жазба жұмыстары.    Мектебіміздіңспортшы   оқушылары  да  әр түрлі   спорт түрлерінен  жарыстарға  қатысып   жүлделі  орындар мен оралуда. «Абайлаңыз! ЖРВИ мен тұмау!», «Ғасыр дерті»,  «Каронавирустың алдын алу»  бойынша түсіндірме жұмыстары мен сынып сағаттары жүргізілді.

         Ұлттық спортымызды дәріптеу барысында және «100 Жаңа Есім» жобасы аясында мектеп түлегі , әлем чемпионы Манасбаев Бекзатпен кездесу болып, мектебімізде қазақша күрестен аудандық«Қопа барысы»  турнирі өтті. Турнирге Бекзат өзінің достары Әлем чемпиондары мен барыстарымен бірге келді. «Қопа барысы» турнирінің жасөспірімдерге салауатты өмір салтын насихаттап, қазақ күресіне оқушылардың қызығушылықтарын арттыруда үлесі зор болды.