"Мектеп парламенті" өзін-өзі басқару ұйымының есебі

                                                    «С.Сейфуллин атындағы жалпы орта білім 

                                                  беретін  мектебі» КММ бойынша 

                                                             «Мектеп парламенті» өзін- өзі басқару,

                                                                         бірыңғай балалар мен жасөспірімдер

                                                                    ұйымының  2021-2022 оқу жылы бойынша 

                                                                        І жарты жылдықта атқарған жұмыстарының

ЕСЕБІ

Шакаримова Гулнар Жакияқызы  «С.Сейфуллин атындағы жалпы орта білім 

беретін  мектебі» КММ аға тәлімгері.  

2021-2022 оқу жылында Жас Ұлан мүшелерінің саны –  49 ,   Жас Қыран мүшелерінің саны – 61 болды. 

2021 жылдың 11 қыркүйегінде Ұланбасы сайлауы өтті.  Сайлауға 4 оқушы өз кандидатурасын білдірді, олар: Болатбекова Гүлназ – 8-сынып,Рымжан Аяулым – 9-сынып, Демеубеков Мағжан  – 8-сынып. Маулетханова Ақмарал – 8 - сынып Сайлауға қатысуға өтініш білдірген оқушылар өздерінің сайлауалды бағдарламаларын алдын ала таныстырды. Ұйым мүшелері кандидаттардың бағдарламалары бойынша дауыс берді. Сайлау санитарлық ережелерге сай өткізілді. Сайлау учаскесіне 1 оқушыдан кіргізіліп, оқушылардың температуралары өлшенді. Нәтижесінде,  Болатбекова Гүлназ – 41, Рымжан Аяулым -38, Демеубеков Мағжан – 28  дауыс жинады. Ұланбасылыққа жоғары дауыс жинаған оқушы – Маулетханова Ақмарал   сайланды. Қыркүйек айында іс-шаралар жоспар бойынша өткізілді. 1-қыркүйек білім күніне орай «Саналы ұрпақ – жарқын болашақ» атты ватсап желісі арқылы шағын жиын өткізілді.  «Жас Қыран», «Жас Ұлан» ұйымның топ басшыларын тағайындап, міндеттері бөліп берілді.  Отбасы күніне орай, «Отбасы-бақыт мекені» тақырыбында фотоколлаж , видеороликтер жасалды. Сурет көрмесі ұйымдастырылды. «Денсаулық – сенің байлығың» тақырыбында салауатты өмір салтын насихаттау мақсатында дене шынықтыру мұғалімі Кумаров Ернұр Даулетханұлының  атсалысуымен  сайыс өткізілді. Видео түсіріліп, интернет желісіне жүктелді. Ватсап желісінде медбикенің қатысуымен, оқушылардың қызықты сұрақтар қоюы – сұхбаттың жандануына үлесін қосты. «Менің жазғы демалысым» тақырыбында шығарма байқауы ұйымдастырылып, жеңімпаз анықталды, жеңген оқушы марапатталды. «Тілім менің тірлігімнің айғағы»   тақырыбында ватсап желісі арқылы танымдық –зияткерлік сабағы өткізілді. 

Қазан айы айтулы мерекемен басталды. 01.10.2021 ж күні «Қария асыл қазынам» тақырыбында акция,  фотоколлаж  жасау байқауы өтті. 02.10.2021ж. күні «Ұстаз-үлгі, өнеге, ұлағатым» атты ұстаздарға арналған ашық хаттар жасалып, жылы лебіздер айтылды. «Ұстазға хат» атты қорабшада оқушылар атынан ұстаздарға хат  салынып, таратылды. Ата-аналар тарапынан мектеп мұғалімдеріне видеоқұттықтау жолданып, ватсап желісіндегі мұғалімдер чатына салынды. 5-11 сыныптар арасында концерттік бағдарлама қойылды.  12.10.2021ж. күні мектебіміздегі оқушылардың күнделіктері тексерілді. 20.10.2021ж. күні  «Сыбайлас жемқорлыққа жол жоқ!» тақырыбында дөңгелек үстел өтті.  «Бала құқығы адам құқығы» тақырыбында оқушылар өз құқықтарын толық білу мақсатында брошюралар таратылды. 15.10.-21.10.21ж. күндер аралығында «Күз кереметтері» тақырыбы аясында 1-6-сынып оқушылары арасында икебана жасау байқауы өткізілді. Байқау 5 номинация бойынша қорытындыланды. 

         Қараша айында жоспар бойынша бірқатар жұмыстар жүргізілді. 4-5- сыныптар арасында ұлттық ойындар арқылы оқушыларға қазақтың салт дәстүрі, әдет-ғұрпын дәріптеу мақсатында  «Ұлттың ұлы мұраты – ұлттық ойындар» атты танымдық сабақ өткізілді. Сонымен қатар Абай Құнанбайұлының шығармаларын насихаттау, оқушының бойына көркем сөздің мәйегін сіңдіру мақсатында «Ұлтыңның ұлы ұстазы – Абайға 175 жыл» тақырыбында өнерлілер сайысы өтті.  1-желтоқсан ЖИТС-ке қарсы күрес күніне орай, 3-4- сыныптар белгіленген тақырып аясында қабырға газетін дайындады. 5-6-сынып оқушылары ізденіп, «ЖИТС – ғасыр індеті» тақырыбында буклет дайындады.  Құқық қорғау органдары қызметкерлерімен кездесу өтті. «Менің елім – Тәуелсіз Қазақстан» 10-11 сыныптар арасында әңгіме жүргізілді.  Елбасының өмір жолынан үлгі ала отырып, Отанын, халқын, сүюге, патриоттық сезімге тәрбиелеу мақсатында 1-желтоқсан Президент күніне арналған « Менің Тұңғыш Президентім» атты іс-шара өтті. 

            Желтоқсан айындағы жұмыстарды қорытындылайтын болсақ, айдың алғашқы аптасында «Мектеп дауысы» атты байқауы өтті. Оқушылар белсене атсалысты. «Мектеп дауысы» жеңімпазы анықталып бас жүлдані 8 сынып оқушысы Нүрсейтов Али Асхатұлы алды.   «Мектеп денсаулық ортасы бола ала ма? тақырыбында іс-шара өткізіліп, оқушыларға денсаулықтың қадірі туралы бейнебаян көрсетілді. Медбике өз кеңесімен бөлісті. Ағымдағы айдың 14-і күні «Жас Ұлан» балалар мен жасөспірімдер ұйымы мүшелігіне қабылдау рәсімі өтті. Жас Қыран мүшелері 11 оқушымен, Жас Ұлан мүшелері де 14 оқушымен толықты.   Оқушыларға ұйымға қабылданғандығын растайтын сертификат табысталды, 5 сыныпқа көк галстук тағылды. 1 сыныпқа төс белгі тағылды.  Жаңа жыл  мерекесі қарсаңында жоспарлы түрде сурет көрмесі өтті. Сурет көрмесіне 1-6-сынып оқушылары үлкен белсенділікпен өз жұмыстарын ұсынды. 

Айта кетелік, жоспарлы әрі жоспардан тыс барлық іс-шараларды өткізу барысында санитарлық талаптар сақталды. Оқушылар бетпердемен, температура тексеру арқылы кіргізіліп, арақашықтық сақталды.

Аға тәлімгер:                              Г.Ж.Шакаримова