Зорлық- зомбылық ақпарат
ШҚО ББ. Аягоз ауданы бойынша білім
бөлімінің«С.Сейфуллин атындағы жалпы
орта білім беретін мектебі» коммуналдық
мемлекеттік мекемесі
Бала құқықтарын қорғауды күшейту, тұрмыстық зорлық-зомбылыққа қарсы іс-қимыл жасау және жасөспірімдер арасында өз-өзіне қол жұмсау мәселелерін шешу жөніндегі 2021-2022оқу жылындағы бірінші жарты жылдықта атқарылған жұмыстары туралы ақпарат
2021-2022оқу жылында 9-20 қараша арасында оқушылар мен қызметкерлердің құқығын қорғау, құқық бұзушылықтың алдын алу мақсатында зорлық-зомбылық фактілерімен күресу мақсатында мектептің кіре беріс дәлізінде «Сенім жәшігі» орнатылған болатын. Білім алушыларға сенім жәшігінің қызметі туралы «Сенім телефоны. Көмекті қалай сұрау керек?» атты жадынамалары таратылды.
5-11 сыныптар арасында «Зорлық-зомбылықсыз балалық шақ» тақырыбында сынып сағаттары өткізілді. Сабақта оқушылардың құқығы, міндеті туралы әңгіме айтылды. Сондай-ақ оқушылар балалар арасында кездесетін кикілжің туралы жағдаяттық тапсырмаларды орындады. С.Сейфуллин мектебінде бала құқын қорғау, зорлық –зомбылықтың алдын алу мақсатында іс-шаралар өз дәрежесінде өткізіліп келеді. Мектепте 5-11 сынып оқушыларынан «Жас ұлан» ұлан ұйымы сондай –ақ қыз балалармен «Қызғалдақ» қыздар ұйымы, «Ұлы дала ұландары» ұлдар ұйымы өз жұмысын атқарды. Жоспардың негізгі мақсаты- балалар құқығын қорғау, зорлық-зомбылық мәселесіне көңіл аудару, қатігездікке жол бермеу, балалық шақтың бақытты болуына көңіл бөлу. Мейірімді, ізетті ұрпақ тәрбиелеу. Жоспарға сәйкес іс-шаралардың барлығы өз уақытында орындалды. Іс-шара барысында тәрбие сағаттары, сыныптан тыс жұмыстар өткізілді. Мектеп психологы А.Қ.Шарипов суреттер көрмесі ұйымдастырып, ата-аналармен тренинг, дөңгелек үстелдер өткізді және «Зорлық- зомбылық туралы не ойлаймын?» тақырыбында оқушылардан сауалнамалар алынды. Сауалнама қорытындысында зорлық- зомбылық құрбаны болған оқушы анықталмады.
Құқық бұзушылықтың алдын алу мақсатында «Құқық бұзушылықтың алдын алу - басты міндет» тақырыбында Ішкі істер қызметкерлері, участкелік полиция қызметкерлері Б.Т.Макенов,Ә.Е.Тоқтағұлов кездесу өтті. Кездесуде полиция қызметкері оқушылармен сұхбат жүргізіп, оқушылар сауалдарына жауап берді.Кездесуде тәрбие ісі жөніндегі орынбасары Турусбекова Н.Н «Құқықбұзушылықтың алдын алу - басты міндет» тақырыбында слайд көрсетіп баяндама жасады.Мектеп психологы Шарипов А.К.«Құқық бұзушылық және заңды жауапкершілік», «Мектеп арасындағы құқықбұзушылық» тақырыбында қысқа мерзімді видио көрсетілім көрсетті.Мектеп тәлімгері Шакаримова Г.Ж оқушыларға оққыс жағдайлар кез- келген уақытта орын алуы мүмкін, оның алдын алу үшін абайлап жүру керек екендігі жқнінде түсіндірмелер мен ескертпелер айтып өтті.
Қараша айында, Дүниежүзілік балалар күніне арналған "Бала құқығы-адам құқығы" онкүндік аясында іс-шара өткізілді, 27.10.2021 жылы «Бақытты бала- бақытты ана-бақытты отбасы -бақытты ел» атты тақырыбында жалпы ата-аналар жиналысы өтілді. Жиналысқа 1-11 сынып ата-аналары қатысты. Жиналыс барысында тәрбие ісінің меңгерушісі Н.Н. Турусбекова ата-аналарға ата-ана құқықтары жайлы мағлұмат берді, видео рөліктер көрсетті.
Жыныстық тиіспеушілік, ерте жүктіліктің алдын-алу мақсатында 8-11 сынып қыздары арасында 2021 жылдың 15 қарашасында мектепте оқитын кәмелетке толмаған жасөспірімдер арасында жүктіліктің алдын алу және отбасын жоспарлау туралы репродуктивті сауаттылықты жоғарылату жөнінде санитарлы-ағарту жұмысын жүргізу мақсатында «Арыңды сақта бойжеткен» атты Қопа ауылдық амулаториясының акушерка медбикесі Қалқаманова Майра Демеубековнамен және мектеп медикесі Карибаева Манар Кумаровнамен кездесу болып өтті.
«Қыз болашағы-ел болашағы» тақырыбында 8-10 сынып қыздары арасында қыздар ұйымының жетекшісі Қалиева М.С басқаруымен дөңгелек үстел болып өтті. Дөңгелек үстел барысында қыздарға түрлі кеңестер айтылды, тақырып толық талқыланды. Қыздар тарапынан сұрақтар қойылды.
Желтоқсан айында кәмілетке толмағандар істері жөніндегі мектеп инспекторы Т.Қ.Тоқтасын және ауылдық участкелік инспектор Б.Т.Макенов 8-11сынып оқушылармен «Зорлық-зомбылықсыз отбасылар» тақырыбында түсіндірме жұмысын және қысқы демалыс кезіндегі қауіпсіздік, қорғану шаралары туралы түсіндірме жұмысын өткізді.
Сонымен қатар ата-аналар мен үнемі байланыста болуы үшін барлық сынып ата-аналарының «СЕНІМ» ватцап желісі арқылы топ құрылды. Топ жетекшісі тәрбие ісінің меңгеушісі Н.Н.Турусбекова мен мектеп психологы Шарипов А.К. Топқа ата-ана мен бала арасындағы байланыстар туралы әр түрлі кеңестер мен видио роликтер салынып тұрады, ата-аналар өздеріне ұнаған немесе керекті мәліметтерге кері байланыс жасап тұрады.
Желтоқсан айы ішінде 5-8 сынып ата-аналары жиналысында оқушылардың кешкі мезгілдегі тәртібі мен сабақ үлгерімі бойынша және бос уақытын тиімді ұйымдастыру жайлы, отбасындағы бала тәрбиесі тақырыбында әңгімелесулер өткізілді.
"Адал ұрпақ" еріктілер клубының ұйымдастыруымен республикалық "Бала құқығы- адам құқығы", "Зорлық- зомбылықсыз балалық шақ" онкүндік аясында "Бала тәрбиесінде зорлық-зомбылыққа жол жоқ!» «Кибербуллинг» тақырыбында тəрбие сағаты, тренингтар өткізілді. Сабақта оқушылар қоғамда кездесіп отырған балаларға қатысты зорлық -зомбылық пен қатігездіктің зияны мен салдары туралы өз ойларын ортаға салды. Сонымен қатар барлық оқушыларға интернетті дұрыс пайдалану бойынша «Қауіпсіз интернет» жаднамасы таратылды.Сынып жетекшілер «Қатыгездік пен зорлық-зомбылықсық балалық шақ» атты тақырып бойынша тәрбие сағаттарын өткізді. Аталған тәрбие сағаттарында оқушыларға зорлық-зомбылық туралы мағлұмат берді. Зорлық-зомбылықтың адам ағзасына тигізетін әсері жайында баяндай келе, жаман әдеттерден бойларын аулақ ұстап, саналы азамат болып өсуіне ықпал етті. Сабақ барысында оқушылар белсенділік танытты.
ДТЖО: Н.Н.Турусбекова
Психолог: А.К.Шарипов
