Ата- аналар жиналысы хаттамасы №2

Хаттама№2

27.10.2021                                                                     «С.Сейфуллин  атындағы    жалпы     

                                                                                 жалпы орта білім беретін мектебі»                   

                                                                                  КММ-де   «Бақытты бала- 

                                                         бақытты ана-бақытты отбасы

                                                                       -бақытты ел» атты  (оффлайн)жалпы   

                                                                мектепшілік ата-аналар жиналысы            

                     болып өтті.

                                                             Күн тәртібінде:

1.  «Оқушылардың өмір қауіпсіздігі.» ДТІЖО:   Н.Н.Турусбекова, ІІО маманы,участкелік инспекторы  полиция аға лейтенанты: Б.Т.Макенов  
2.  «Суицидтік мінез құлықты алдын алу профилактикасы»  Психолог:  А.К.Шарипов
3.  Денсаулық сақтау министрлігінің  «Қазақстан Республикасының  халқы   арасында короновирустық инфекция ауруының таралуын алдын алу жөніндегі шараларды жүргізу» туралы 2021 жылғы  20 қазандағы №46 Қаулысы бойынша түсіндірме жұмыстары. Мектеп медбикесі М.К.Карибаева
4. «Birge ogu» онлайн оқу  бағдарламасы бойынша түсіндіру жұмыстары ДОІЖО:  Г.Т.Камзина
5. «Оқуға құштар мектеп» Жобасы қазақ тілі мен әдебиеті мұғалімдері М.Д.Сайтбаева,  Г.Ш.   Ербосынова
6. Әр түрлі мәселелер

Тыңдалды:

ДТІЖО:   Н.Н.Турусбекова:

Сәлеметсіздер ме?! Құрметті ата-аналар сіздермен кезектен тыс жиналыс өткізіп отырмыз.

1.           Оқушылардың өмір қауіпсіздігі ең басты мәселе. Күзгі демалыс басталады.  Демалыс кезінде оқушылардың өмір қауіпсіздігі және қыс маусымының жақындануына үйде от жағу маусымы басталғанына байланысты өрттің алдын алу бойынша нұсқау мен жаднамалармен таныстыруды жөн көрдік. Қазақстанда  өрттің  орын алу себептері 14% пештердің  дұрыс қолданбауы, 35% отқа абайсыз қарау, 23%  электр жабдығының монтажын дұрыс пайдаланбаудан болады екен.  Оттықты  қолдануға рұқсат бермеңіздер, үтікті қосулы қалдырмаңыздар, түнде ұйықтар алдында пешке көмір салмаңыздар, пештеріңізді күлделмеген болса күлдеп отырыңыздар, пешке киім  жаймаңыздар. Бір розеткадағы электр  құралдарының көп болмауын қадағалағыздар электр сымының өртенуіне әкеп соқтыруы мүмкін.

Оқушылар көшеде бейсауыт жүрмесін әсіресе түңгі уақытта.  Күн суытып келеді, ауа-райының шұғыл өзгеруі балалардың  ұзақ уақыт далада ойнап жүріп тоңып, үсіп қалмауын қадағалаңыздар немесе ересек балаларды атқа, тайға міңгізіп мал қарауға, атқа, тайға міңгізіп жібере салмаңыздар. 

Жалпы балалардың өмір қауіпсіздігі соның ішінде жоғарғы сынып оқушыларының көлік мотоцикл жүргізуі де бар сол жөнінде ІІО қызметкерлері келіп отыр келесі сөз кезегін берсек.

           ІІО маманы, полиция аға лейтейнанты: Макенов Б.Т.:  Мен Макенов Бақытжан осы Қопа ауылдық округінің участкелік полиция  инспекторы боламын. Айтайын дегенім кәмілеттік жасқа толмаған балаларға ата-ана жауапты. Сол себепті әр үйде көлік бар, мотоцикл бар, әсіресе осындай көліктерді кәмілеттік жасқа толмаған балаларға бермеңіздер. Әр түрлі келеңсіз оқиғалар болады, сол себепті қауіпсіздікті өзімізден бастауымыз керек. ҚР азаматы болғандықтан Заңға бағынуымыз керек. 18 жасқа толмаған балаға жүргізушілер куәлігі берілмейді, жолда ұсталып жатса айыппұлды сіздер төлейсіздер және жауапқа тартыласыздар.  Кешкі, түңгі уақытта жүруге 22-00 ден кейін ата-анасыз болмайды, кейбір балалар   ағамммен апайыммен деп жатады ол кісі заңды өкілі емес сенімхаты жоқ  ондай деген болмайды ұсталып жатса ренжисіздер. Сұрақтарыңыз болса қойыңыздар жауап беремін, тыңдағандарыңызға рахмет.

2.«Суицидтік мінез құлықты алдын алу профилактикасы»  Психолог:  А.К.Шарипов: Сәлеметсіздер ме?! Құрметті ата-аналар мектебіміздегі жиналысқа қош келдіңіздер! Мектепте тәртіпке бағынбайтын оқушы жоқ. Әр оқушы жеке тұлға. Өз-өзіне қол жұмсау қандай уақытта туындайды, ол көбінесе  жасөспірісдер арасында орын алады.  Олардың арасында баянсыз махаббат, ата-аналардың арасындағы келіспеушіліктер, отбасындағы келеңсіздіктер, баланың кемшіліктерін бетіне баса беру, жалғыздық, түсінбеушілік сияқты жағдайлар кезінде жасөспірім осындай жағдайға баруы мүмкін сондықтанда баланың жанынан табылып, көңіл күйіне көңіл бөліп, сөйлесіп, достары туралы сұрап отырсаңыздар бала ешуақытта бұндай жағдайға бармайды. Балаларыңызды андарыңызға құшақтаңыздар, сүйіңіздер,сөйлесіңіздер. Рахмет тыңдағандарыңызға.

3.Мектеп медбикесі М.К.Карибаева:

Денсаулық сақтау министрлігінің  «Қазақстан Республикасының  халқы   арасында короновирустық инфекция ауруының таралуын алдын алу жөніндегі шараларды жүргізу» туралы 2021 жылғы  20 қазандағы №46 Қаулысы бойынша «Ковид19» вакцинасы жайлы түсіндірмекпін. Біз міндетті түрде оқушылар мен ата-аналарға түсіндірме жұмыстарын жүргізуіміз керек. Мемлекет балаларымызды короновируустық инфекциядан қорғау үшін осындайқадамға барып отыр. Әр бала біздің болашағымыз, сондықтан одан қорықпауымыз керек. Вакцина алу керек. Әрине вакцина алған адамның организмінде өзгеріс пайда болады, дене қызуы   көтеріледі,  денесі қышуы мүмкін, мазасыздық бұндай жағдайлар вакцинадан кейінгі 3 күнге дейін жүруі қалыпты жағдай. Одан қорықпаңыздар. Керісінше түсінбеңіздер. Әр ата-ана баласының денсаулығына жауапты, жауапкершілікпен қараңыздар. 

4.ДОІЖО:   Г.Т.Камзина:

Құрметті ата-аналар! Өздеріңізде бідесіздер,   елімізде  оқуға деген бағдарламалар дамып келеді.  Сондай «Birge ogu» онлайн оқу  бағдарламасы 7-8 сыныптар үшін ақылы түрде ұйымдастырылып жатыр. Бізде жақсы оқитын оқушылар бар, сол себепті оқушылардың бос уақытын тиімді пайдалану  барысында онлайн оқуға беруге болады. Балалардың шамасына қарай оқытуға болады. Ол үшін тіркелу керек.  Ата-аналар балаларыңызды осындай жобаларға қатыстырып ынталандырыңыздар,егер тіркетемін десеңіздер  жиналыстан соң маған  келіп тіркеліп кетіңіздер. 

5. «Оқуға құштар мектеп» Жобасы қазақ тілі мен әдебиеті мұғалімдері М.Д.Сайтбаева:            Мемлекет басшысы Қасым-Жомарт Тоқаевтың Ұлттық қоғамдық сенім кеңсінде берген тапсырмасына сәйкес БжҒ министірлігі «Оқуға құштар мектеп» жобасын  бекіткен болатын.  «Оқуға құштар мектеп» жобасы аясында  көркем әдебиеттер тізімі 4 бағыт бойынша  жүзеге аспақ. Яғни, олардың қатарына еліміздің үздік классиктерінің кітаптары,   ана тілге аударылған шетелдік әлем әдебиеттерінің жауқарлары, біздің  қазіргі заманғы ақын жазушылардың кітаптары.

Жарыссөз:

Ата-анаС.Түсіпова:

          Көптен бері мына карантиндік жағдайға байланысыт дәстүрлі түрде бір-бірімізді бетпе-бет  болмаған едік қуанып жатырмыз Рахмет сіздерге. Түсіндірме жұмыстары үшін рахмет. Ескереміз, орындаймыз. «Бірге оқиық» деген жоба өте керемет деп ойлаймын.   Вакцинаға келер  болсақ мен өзім ата-ана ретінде қарсымын. Мен қолдамаймын

Мектеп директоры:М.А.Шарипова

       Бүгінгі жиналысқа  уақыт бөліп келгендеріңіз үшін рахмет.  Бала біздің болашағымыз ғой сондықтан да ата-аналар, ұстаздар болып ынтымақтастық қарым-қатынаста  жүзеге   асырылу керек. Баланы жұрыс тәрбиелеу, қадағалау біздің ата-анамыздың  міндеті.  Онлайн оқу үшін балаларды жетелеу керек. Қашақтықтан оқуды байқап көріңіздер. Оқуға құштар  мектеп жобасын   мемлекет басшысының жобасы Сіздерді баларымызды оқуға шақырамыз.  

Қаулы:

1. Оқушылардың өмір қауіпсіздігі  жөніндегі ДТІЖО:  Н.Н.Турусбекованың, ІІО маманы, полиция аға лейтейнанты: Б.Т.Макеновтың түсіндіру, ескерту жұмыстары, балаардың  өмір қауіпсіздігін сақтау ата-аналардың қадағалауы басшылыққа алынсын. 
2. «Суицидтік мінез құлықты алдын алу профилактикасы»  Психолог:  А.К.Шариповтың баяндамасы қанағаттанарлық деп танылып, ата-аналармен, оқушылармен жұмыс жандандырылсын.
3. Денсаулық сақтау министрлігінің  «Қазақстан Республикасының  халқы  арасында короновирустық инфекция ауруының таралуын алдын алу жөніндегі шараларды жүргізу» туралы 2021 жылғы  20 қазандағы №46 Қаулысы бойынша түсіндірме жұмыстары қанағаттанарлық деп танылсын, әрі қарай жұмыс жүргізу мектеп медбикесі М.К.Карибаева жүктелсін.
4. Birge ogu» онлайн оқу   бағдарламасы бойынша түсіндіру жұмыстарын жүргізу  ДОІЖО:   Г.Т.Камзинаға міндеттелсін.
5. «Оқуға құштар мектеп» Жобасы жүзеге асырып жүргізу жұмыстары қазақ тілі мен әдебиеті мұғалімдері М.Д.Сайтбаева мен  Г.Ш.  Ербосыноваға міндеттелсін.
6. Әр түрлі мәселер бойынша жұмыстар  жүйелі түрде жүріп жандандырылсын.

Жиналыс төрағасы:                  М.А.Шарипова 

Жиналыс хатшысы:                   М.Д.Сайтбаева

ДТІЖО:                                       Н.Н.Турусбекова

          Участелік инспектор                  Макенов Б.Т.